«እጒሂ’ምበር፡ ተስፋስ ኣይቆርጽን’የ!

Free book sample

Reading section 1

እጒሂ’ምበር ተስፋ ኣይቆርጽን’የ! 1 . . . እጒሂ’ምበር፡ ተስፋስ ኣይቆርጽን’የ! ሚኪኤል ኣዳም ሚኪኤል ኣዳም ጸሓፊ ብቓላቱ እዚ መጽሓፍ’ዚ፡ ሕብረ-ብዙሓዊ ትሕዝቶ ኣለዎ። ንፍቕሪ፡ ስነ-ልቦና፡ ስነ-ሓሳብ፡ ፖለቲካ ወ.ዘ.ተ ዝትንክፉ ጽሑፋት ዘጠቓለለ መጽሓፍ። እቶም ጽሑፋት፡ ኣብ ዝተፈላለየ እዋን ዝተጻሕፉ ኰይኖም፡ ገሊኣቶም ኣብ ጋዜጣ ንኽወጹ ብምባል ዝጸሓፍክዎም፡ ገሊኣቶም ድማ ንዓይ ንመዘኻኸሪ ክዀኑኒ ብምባል ኣብ መዘክር ዝሓናጠጥክዎም’ዮም። ክቡር ኣንባቢ፡ ነዛ መጽሓፍ’ዚኣ፡ ኣብ ኢድካ ኣንቢረያ ኣለዂ’ሞ፡ ክትረብሓላ እምነ። ንሃናጺ ርእይቶኻ ድማ እጽበ። ንዂሎም’ቶም እዛ መጽሓፍ ክውንቲ ንኽትከውን ዝጸዓሩን ዝጸዓቱን ድማ አመስግን። ሚኪኤል ኣዳም ታሕሳስ 2017 ኣስመራ እጒሂ’ምበር ተስፋ ኣይቆርጽን’የ! 3 ህይወት ‘ሓንሳእ ኢኻ እትነብር፡ ነታ ሓንሳእ እትነብራ ግን፡ ብግቡእ ክትነብራ እንተኺኢልካ እኽልቲ እያ።’ ጆ.ኢ.ልዊስ “እዚ ግዜ ከመይ ኢሉ እዩ ዝጎዩ ዘሎ፧” ብዙሕ ሰብ ብምግራም ዝሓቶ ሕቶ እዩ። እዚ ሕቶ ከይተመልሰ ድማ፡ መዓልታት ተደሚሮም ዓመታት ይኾኑ። ነፍሲ ወከፍ መዓልቲ ክሳራ ወይ’ውን ምንጪ ዘይነጽፍ ዕጋበት ኮይና ሓንሳእን ንሓዋሩን ክትሓልፍ ትኽእል። ምሸት ኣብ መዳቅሶኻ ተጋዲምካ፡ ነታ ዝሓለፈት መዓልቲ ኣመልኪትካ ነብሰ-ገምጋም ኣብ እትገብረሉ እዋን፣ “ ተጨኒቀ፣ ብስራሕ ተጸሚደ ውዒለ ግና’ኸ ሓንቲ’ካ ኣየድማዕኩን፣ ዘሐጉስ ነገር ኣይረኸብኩን……ወዘተ” ኢልካ እንተደኣ ደምዲምካ፡ ገለ ክፋል ህይወትካ ‘ብላሽ’ ጠፊኡ’ሎ ማለት ኣዩ። ሓደ ሓደ ግዚያት፣ ተወሳኺ ግዜን ገንዘብን ወይ’ውን ዝሓሸ ኩነታት መነባብሮ ክሳብ እንረክብ ብምባል፡ ክንሕጎሰሉ ዝግባኣና ጊዜ ነባኽን ኢና። እዚ ከምዚ ዝበለ ኣተሓሳስባ ግና ኣዕናዊ እዩ። እቲ እንደልዮ ዘለና እንተዘይረኸብናዮ፡ ወይ’ውን ደንጒና እንተረኺብናዮስ እንታይ ኮን ክስማዓና ይኸውን፧ ስለ’ዚ ነዚ ዘለናዮ ጊዜን ኩነታትን ክንቅበሎ ይግበኣና’ዩ። ነዛ ሕጂ ዘለናይ ደቒቅ፣ ከምዛ ዘለናያ ኮይንና ክንቅበላ ኣዝዩ ዘድሊ እዩ። ምኽንያቱ እዛ ደቒቅ’ዚኣ ዋግኣ ክትመን ክሳብ ዘይከኣል ክብርቲ እያ። ሓንሳብ ምስ ከደት ዳግም ዘይትምለስ ብምዃና’ያ ክብርቲ ዝኾነት። ኣብተን ኣብ’ዛ ምድሪ እንጸንሓለን ሒደት ግዚያት፡ ዝበለጸ ህይወት ከነሕልፍ ዘኽኡሉና ብዙሓት መገድታት ኣለው። ሚኪኤል ኣዳም “ኣብ’ዚ ወለዶ’ዚ ካብ ዝተረኽቡ ዓበይቲ ርኽበታት፣ እቲ ዝበለጸ ርኽበት፣ እቲ፡ ‘ደቂ ሰባት ስነ-ኣእምሮኣዊ ኣረኣእያ ብምስትኽኻል ንህይወቶም ክቅይሩ ይኽእሉ‘ዮም’ ዝብል እዩ።” ዊልያም ጀምስ (1842-1910) ኣብ መዓልታዊ ንጥፈታትና ንገዛእ ርእስናን ካልኦትን እነሐጒሰሉ ጊዜ ክንምድብ ይግባኣና። ኣግራብ፣ ግርሁታትን ኣኽራናትን ንተዓዘብ’ሞ ንጽባቕኦም ነስተውዕለሉ። ንሽታን ጽባቐን ዕምባባታት ነስተማቅሮ፣ ንመዝሙር ኣዕዋፍ ጽን ንበሎ፣ ንደመናታት ሰማይ ከኣ ንተዓዘቦም። ‘ዋላ’ውን ድሕሪ’ዚ ምመስተንክር ዝኾነ ስነ-ፍልጠታዊ ርኽበታት፡ እዛ እንነብረላ ዓለም፡ ነቲ ብዛዕብኣ እዕሚቑ ዝሓስብ ሰብ፡ ተኣምር፣ ጽብቅትን መሳጢትን’ያ።’ ቶማስ ካርለይ(1795~1881) ንጸገማትና ብመንፈዓትናን ብርእሰ ተኣማንነትን ንግጠሞም። ሕጂ ኣብ ዝኾነ ይኹን ደረጃ ኣተሓሳስባ፣ መነባብሮ፡ ጽፍሒ ወዘተ ንሃሉ ብዘየገደስ ንኩነታትና ከነመሓይሽ ንጽዓር። ጽቡቕ ንክስመዓካ ሕያዋይ ኩን። ንጡፍ ኩን እሞ ንኣእምሮኻ ኣማዕብሎ። ሰሓቕ፡ ተዛነ ጥዑም ድቃስ ከኣ ደቅስ። “ህይወት ልክዕ ከም ዓፍራ እያ። ክልተ እምነ -ኩርናዕ ግን ኣለዋኣ። ንሳተን ድማ፣ኣብ ናይ ካልኦት ጸገም ለውሃት፡ ኣብ ጸገምካ ከኣ ትብዓት እየን።” ኣዳም ጎርደን(1833~1870) ‘መብዛሕትኡ ግዜ ሰባት ብዙሕ ነገራት ክውንኑ ወይ’ውን ብዙሕ ገንዘብ ክረኽቡ’ሞ፡ ነቲ ዚደለይዎ ክገብሩ ብእኡ ኣቢሎም ድማ ሕጉሳት ክኾኑ እጒሂ’ምበር ተስፋ ኣይቆርጽን’የ! 5 ይፍትኑ። እቲ ሓቂ ግን ብኣንጻሩ’ዩ። መጀመርታ ንገዛእ ርእስኻ ምሰል፣ብድሕርዚ እቲ ክትገብሮ ዝግባኣካ ግበር እሞ እቲ እትደልዮ ድማ ክትረኽቦ ኢኻ።” ያንግ “ዘይተፈተነት ህይወት፡ ንኽትነብራ ኣይተስተስልን’ያ።” ሶቅራጦስ ንጽጉማት፡ እቲ ክትገብረሎም ዝከኣለካ ግበረሎም። እትህቦም ንዋታውን ገንዘባውን ዓቕሚ እንተዘይብልካ ድማ ተኻፋሊ ጸገሞም ምዃንካ ግለጸሎም። ለውሃት፣ ናይ ኻል…